Hugmyndin með þessari síðu er að kynna aðeins fyrir fólki okkar ræktun og okkar hunda. En okkar fyrsti hundur af schnauzer tegundinni var Tassajara´s Juliet (Julie) sem kom til okkar 2001. Julie var risaschnauzer fædd 1997 og var innflutt frá USA árið 2000 og var yndislegt gæludýr og frábær fjölskyldumeðlimur og ein af ástæðum þess að við féllum fyrir tegundinni. Strax þá langaði okkur að flytja inn fleiri risa, enda var hún eini risachnauzer hundurinn á landinu. Undirbúningur hófst veturinn 2002 og ári seinna eða um sumarið 2003, bauðst okkur til kaups mjög falleg tík frá Tara´s ræktun í Rúmeníu. Taras Dakota (Dizzy) kom til okkar í október 2003 og Rússi kom til okkar ca ári seinna frá Rússlandi. Um svipað leiti eiguðumst við okkar fyrsta dvergschnauzer en Carmen Negra er úr fyrsta tíkargotinu á landinu, fædd á Ólafsvöllum á Skeiðum.

Í byrjun árs 2006 eða eftir seinna risagotið okkar og eftir að við misstum Rússa í bílslysi, ákváðum við að einbeita okkar kröftum frekar í ræktun á dvergschnauzer og fluttum inn okkar fyrsta innflutta dverg það sama ár frá Þýskalandi og höfum jafnframt innflutt nokkra lánsrakka í framhaldi af því. Vonandi tekst okkur að fá til landsins í framtíðinni fleiri hunda í sama gæðaflokki og þeir sem komnir eru til að auðga þá ræktun sem nú þegar er á góðri leið hér á landi og sérstaklega fá inn sterkar línur í öllum litagerðum. Stefnan okkar er að flytja inn til landsins eingöngu gæðahunda með meistara blóðlínur og góða skapgerð og vonandi koma upp hér á landi stofni sem við getum verið stolt af . Við vitum að þetta mun verða okkar æviáhugamál og erum við vonandi bara rétt að byrja.

Við búum á Mosfellsbæ ásamt þrem börnum okkar, hundarnir okkar lifa inná heimilinu og eru virkir fjölskyldumeðlimir, þeir alast upp með börnunum og börnin með þeim. Við erum meðlimir í Hundaræktendafélagi Íslands. ( HRFÍ ) og eins er Fríður er einn af upphafsmönnum að stofnum Schnauzerdeildar HRFI. Draumurinn er að reyna að rækta heilbrigða einstaklinga í dvergschnauzer, hvort sem þeir verða eingöngu heimilishundar eða jafnframt sýningahundar og eða vinnuhundar.

Ef þú hefur einhverjar spurningar um tegundina eða hundana okkar og/eða ef þig langar að láta setja þig á biðlista eftir hvolpum, endilega sendu okkur póst.

Kveðja.
Fríður Esther og Þorsteinn.
Arkarholt 15, 270 Mosfellsbæ. 846-8171